Bota e Re

Bota e Re paraqet paqëndrueshmërinë mjedisore, politike dhe shoqërore me të cilën po përballemi tani, si dhe vizionin e një bote të ardhshme ku vendimet që mbështetin dhe çojnë përpara qytetërimin njerëzor kanë përparësi ndaj përpjekjes për të siguruar burime në dëm të popujve dhe kombeve anembanë botës. Ky libër ngre një paralajmërim të fuqishëm për shterimin dhe degradimin e shpejtë të Tokës, të klimës dhe të mjedisit të saj nga njerëzimi, dhe për veprimet e ngutshme që duhet të ndërmarrim, si individë e së bashku, që ta rivendosim planetin tonë dhe të përgatitemi për kushtet e reja botërore në të ardhmen.

Ky libër zbulon gjendjen e vështirë të njerëzimit dhe shkaqet më të thella të tragjedisë botërore në rritje të konfliktit, varfërisë dhe shtypjes. Ai përvijon nevojën e ngutshme për të mbështetur e për të ndërtuar sigurinë globale ndërsa përballemi me sprovat tona më të mëdha. Bota e Re është parathënia e Dallgëve të Mëdha të ndryshimit, libër që paraqet me më shumë hollësi sfidat me të cilat do të përballemi si individë dhe rrugën e përgatitjes së brendshme e të jashtme që i ofrohet çdo personi.

Disa kapituj të Botës së Re u morën në vende me konflikt dhe paqëndrueshmëri në rritje, përfshirë Bejrutin, Halepin dhe Teheranin.

Bota e Re është libri i shtatë i Vëllimit 1 të Mesazhit të Ri.