نویں دنیا

نویں دنیا اوہ ماحولی، سیاسی تے سماجی ڈانواں ڈول اگے رکھدی اے جیہدا سامنا اسی ہُن کر رہے آں، تے اک ایہو جیہی آون والی دنیا دا نقشہ دیندی اے جِتھے انسانی تہذیب نوں سہارا تے اگے ودھان والے فیصلے اوس دوڑ توں پہلاں آؤندے نیں جیہدے وچ وسیلے پان تے سنبھالن لئی دنیا بھر دیاں قوماں تے لوکاں دا نقصان ہندا اے۔ ایہ کتاب انسانی نسل ولوں دھرتی، اوہدے موسم تے اوہدے ماحول دی چھیتی تباہی تے مُکائی تے اک اُچی وارننگ دیندی اے، تے اوہناں فوری کماں دی گل کردی اے جیہڑے سانوں اکلیاں تے رَل کے کرنے پینے نیں تاں جو اسی اپنے سیارے نوں بحال کر سکیے تے اگے دیاں نویاں دنیاوی حالتاں لئی تیار ہو سکیے۔

ایہ کتاب انسانی نسل دی بے وسی تے جھگڑے، غریبی تے ظلم دے ودھدے دنیاوی دُکھانت دیاں ڈونگھیاں وجہاں ظاہر کردی اے۔ ایہ اوس فوری لوڑ دا خاکہ دیندی اے پئی اسی دنیاوی اَمن تے سلامتی نوں سہارا دیئیے تے اُساریے، جدوں اسی اپنیاں سبھ توں وڈیاں آزمائشاں دا سامنا کر رہے آں۔ نویں دنیا تبدیلی دیاں وڈیاں لہراں توں پہلاں دی کتاب اے، جیہڑی ہور کھول کے دسدی اے پئی ہر اک نوں کیہڑیاں آزمائشاں پیش آونیاں نیں تے اندرلی تے باہرلی تیاری دا کیہڑا راہ ہر بندے لئی کھلا اے۔

نویں دنیا دے کئی باب ودھدے جھگڑے تے ڈانواں ڈول والیاں تھانواں تے ملے، جیہناں وچ بیروت، حلب تے تہران وی نیں۔

نویں دنیا نویں پیغام دی جلد 1 دی ستویں کتاب اے۔